ఆసియా పారా గేమ్స్‌.. రికార్డు టైమింగ్‌తో స్వర్ణం గెలిచిన తెలుగు అథ్లెట్‌ దీప్తి జీవన్‌జీ

ఐచి-నగోయాలో జరుగుతున్న ఆసియా పారా గేమ్స్‌లో భారత అథ్లెట్లు అద్భుత ప్రదర్శన కనబరుస్తున్నారు. పోటీల రెండో రోజు, తెలుగు అథ్లెట్ దీప్తి జీవన్‌జీ మహిళల 400 మీటర్ల టీ20 విభాగంలో స్వర్ణ పతకం సాధించి సంచలనం సృష్టించింది. కేవలం 56.36 సెకన్లలోనే లక్ష్యాన్ని చేరుకుని కొత్త గేమ్స్ రికార్డును నెలకొల్పింది. 

పారిస్ 2024 పారాలింపిక్ పతక విజేత అయిన దీప్తి, తన సమీప ప్రత్యర్థి అయిన జపాన్ అథ్లెట్ (58.92 సెకన్లు) కంటే రెండు సెకన్లకు పైగా ఆధిక్యంతో రేసును పూర్తి చేయడం విశేషం.

మరోవైపు టోక్యో 2020 పతక విజేత భవీనా పటేల్ కూడా భారత్‌కు మరో పతకాన్ని అందించింది. మహిళల సింగిల్స్ క్లాస్ 4-5 టేబుల్ టెన్నిస్ విభాగంలో ఆమె కాంస్య పతకాన్ని కైవసం చేసుకుంది. ఈ విజయాలతో భారత్ పతకాల సంఖ్య మరింత పెరిగింది.

తొలిరోజే భారత్ 4 స్వర్ణాలు, 5 రజతాలు, 2 కాంస్యాలతో కలిపి మొత్తం 11 పతకాలు సాధించి పాయింట్ల పట్టికలో నాలుగో స్థానంలో నిలిచింది. రెండో రోజు పోటీలు ఇంకా కొనసాగుతున్నాయి. 

పారా ఆర్చర్ శీతల్ దేవి, అథ్లెట్ రవాన్నీ వలసనైని, షూటింగ్ త్రయం మనీశ్ నర్వాల్, నిహాల్ సింగ్, రుద్రాన్ష్ ఖండేల్వాల్ వంటి క్రీడాకారులు తమ ఈవెంట్లలో పతకాల కోసం పోటీ పడనున్నారు.